DECODE er Nokia Íslands.

       Það hefur verið mikið i umræðunni sl.vikur, hverning Finnar tóku á sinni kreppu, og fólk hefur fundið margt sambærilegt við hörmungar okkar nú og Finna.   Finnar áttu sitt Nokia símafyrirtækið, sem er í dag leiðandi í farsímartækni, og þeir hlúðu að.  Hér á Íslandi eigum við eitt fyrirtæki sem gæti orðið leiðandi á heimsvísu, og það er Decode.

      Dapurlegt að stjórnmálamenn og aðrir ráðamenn virðast ekki þora hlúa að starfsemi þess, og hvað þá legga fyrirtækinu lið við að fullgera og markaðsetja vöru sína.  Það er nú svo komið að innan fárra vikna gæti svo farið að starfsemi Decode leggist af hér á landi, og erlendir fjárfestar eða lyfjafyrirtæki kaupi rannsóknir þeirra og vörur og flyti úr landi.  Eitt brínasta verkefni stjórnvalda er að tryggja að félagið starfi hér á landi, og við öll fáum að njóta ávaxta þess stórmerka starfs, er þar hefur verið unnið á sl. árum.

      Tekjumöguleikar Decode gætu orðið að sömu stærðargráðu fyrir okkar samfélag, og Nokia er fyrir Finnland.

Dregur úr tapi deCODE

Athugasemdir

[Magnús Ó. (IP-tala skráð) 7.11.2008 kl. 00:04]

Þetta er skemmtileg samlíking hjá þér Haraldur. Ég vona svo sannarlega að þú reynist sannspár. Það kemur í ljós á næstu mánuðum hvort fyrirtækið lifir, en ef það gerir það þá held ég að þetta sé ekki svo fráleit samlíking.

[Hagbarður, 7.11.2008 kl. 00:16]

Sammála þér Haraldur. Þarna er margra ára starf sem þarf að hlúa að á erfiðum tímum. Vænlegra að setja meira fjármagn í slíka starfsemi en að taka eitthvað upp úr skúffunum sem á eftir margra ára þróun og markaðssetningu. Nú þarf að styðja við fyrirtæki sem geta fleytt okkur í gegnum erfiða tíma!

[Grisemor, 7.11.2008 kl. 08:55]

Nei því miður er þetta ekki svona. DeCode var er og hefur verið byggt að miklu leyti á blekkingum um þennan markað. Það hefur verið logið að íslendingum endalaust í þessu máli og í raun var þetta upphafið að dansinum sem var að enda.

Því hefur alltaf verið haldið fram að þetta fyrirtæki eigi sér mikla möguleika vegna sérstöðu íslensku þjóðarinna og enginn sé að gera það sama og þeir. þetta er algert bull. Það eru tugir eða líklega hundruð fyrirtækja sem eru að gera svipaða hluti og hafa miklu sterkari forsendur til að spjara sig.  Því miður er alltaf hægt að ljúga að þjóðinni. Ég var ein af þeim sem trúði þessu bulli í blindni en svo kynnti ég mér málið og sá þá sannleikann. Ég skora á þig að kynna þér þetta mál aðeins betur.

Kv

Hanna Halldórs

[Magnús Ó (IP-tala skráð) 7.11.2008 kl. 10:25]

Hanna værirðu ekki til í að nefna helstu blekkingar- og lygaatriðin sem þú hefur komist að, þannig að við hin sem erum forvitin þurfum ekki öllir að fara að leita á netinu :)

Ég er nefnilega alveg sæmilega kunnugur Decode en geri mér ekki grein fyrir um hvað þú ert að tala.