Hefur FME afskifað lán eða greiðsluskuldbindingar bankastarfsmanna?

    Hef orðið við umræðu á netinu og víðar að FME, hafi afskrifað eða fellt niður skuldbindingar starfsmanna bankanna vegna framvirka hlutafjársaminga, eða skulda er stofnað var til að nýta kauprétt.  Eg á bágt með að trúa að þessar niðurfellingar hafi átt sér stað, en ef svo er þá tel ég að Fjármálaeftirlitið upplýsingarskylt að greina frá ef einhver svona niðurfelling hefur átt sér stað. Tel að bæði ég og allir er skulda ríkisbönkunum eigum að njóta jafnræðis við uppgjör á skuldbindingum okkar hvort sem þau eru vegna hlutafjárkaupa eða annara fjárfestinga.  Gott þætti mér ef einhver kannast við þennan orðróm,og  getur staðfest hér undir ef hann eða hún veit, að einhver svona samingur hafi átt sér stað.

Athugasemdir

[AK-72, 31.10.2008 kl. 23:32]

Það er ekki FME, heldur starfsmenn bankans sem eru að þessu. Svo er spurningin hvort FME og skilanefndiranr leggi blessun yfir þetta. Ef þú kíkir á síðustu færslu frá mér, þá er ágætis komment þar frá Gesti H. sem útskýrir brelluna við að losa bankamenn undan lánum sem þeir tóku vegna hlutabréfakaupa. Siðlaust og jafnvel ólöglegt, ef satt er.

[haraldurhar, 31.10.2008 kl. 23:51]

  Eins og ég skil útlistanir Gísla á þessu. þá sé ég ekkert ólöglegt né siðlaust við að starfsmenn hafi nýtt hlutafélög til að vista sína hlutabréf í. Það er aftur á móti væntanlegs skiptastjóra í þessum félögum, og svo FME, að fara yfir hvort þetta hefur verið gert innan tímamarka fyrningarfrest, og þá að sjálfsögðu verða þessi viðskipti færð aftur á viðkomandi starfsmenn.  Einnig hlítur öll óeðlileg sala á hlutabréfum hefur átt sér stað á undanförnum vikum hjá innherjum verða skoðuð, og einnig hlítur Baldur Guðlaugsson, þurfa að svara fyrir sölu sína á hlutabréfum í LÍ.  Er undrandi að hann skuli ekki vera látinn fara úr ráðuneytisembættinu, að minnstakosti meðan verið er verið að rannsaka hlutabréfasölu hans.

[AK-72, 1.11.2008 kl. 00:10]

Það sem er siðlausa í þessu(miðað við það sem ég hef lesið), eru að það er verið að gera þetta eftir á, með samþykki bankans, þ.e. að færa lánið af starfsmanninum eftir bankahrunið,  á ehf. og láta það gossa til að redda starfsmanninum úr skuldum. Ef kaupin hefðu verið gerð á ehf. áður þá hefði manni þótt það skítt að fólk gæti gert svona, en gúdderað það samt. Bankinn er í raun að aðstoða skuldara við það að skjóta sér undan greiðslu skulda, á sama tíma og hann gengur hart að venjulegu fólki. 

Svo eru þetta engar smá upphæðir, 7-800 manns sem skuldar á fimmta tug milljarða og stór hluti þeirra er hjá yfirmönnum sem surprise, héldu sínum stöðum þrátt fyrir allt sukkið og svínaríið.