Mjúkar sessurnar í ráðherrastólunum

   Já ekki undrar mig að fylgi við Samfylkinguna dragist saman, og ekki hefði ég verið undrandi á meira fylgistapi.  Ingibjörg Sólrún virðist vera algjörlega út á þekju í þessari ríkistjórn, og ekki hafa dug né kjark til að taka á þeim málum er brenna á þjóðinni, heldur beinir kröftum sínum að því virðist í þróunaraðstoð og hernaðarbrölt, svo maður gleymi nú ekki fjáraustrinum og flækingnum vegna framboðs til öryggisráðsin.   Það er ótrúlegt hversu aum og leiðitöm hún hefur verið Sjálfstæðisflokknum, og hefði nokkur trúað að óreyndu að ekki væri búið að taka upp eftirlaunafrumvarpið, dóm mannréttindadómstóls SÞ., skipa pólítíska sendiherra, og láta Árna Matt. troða yfir sig oftar en einu sinni.  Nú horfir hún aðgerðarlaus ásamt Geir hrannast upp óveðurský, og eina sem þau boða er væntanlegar tilllögur sl. átta vikur, skyldi þeim hafa dottið í hug að láta alla stjórnendur og stjórn Seðlabankans taka pokann sinn.

   Læt hér staðar numið, þó af nægu sé að taka, en ég kaus þessa stjórn  í síðustu kostningum, en ekki kæmi mér í hug að kjósa þá aftur, ef fer svo fram sem horfir.

 

Fylgi við Samfylkingu og ríkisstjórn minnkar